ថ្ងៃសៅរ៍ ទី៣១ ខែមករា ឆ្នាំ២០១៥
ទំព័រដើម
លី ច័ន្ទ​សីហា ឪពុក​មិន​ទាន់​ឱ្យ​មាន​ស្នេហា
ថ្ងៃទី​ 03 ខែមីនា ឆ្នាំ2013, ម៉ោង 07:14 AM ដោយ៖ អាន ប៊ុនរ័ត្ននៈ

ឈាន​មក​ដល់ វ័យ​ ១៨ឆ្នាំ កញ្ញា​លី ច័ន្ទសីហា ប្រៀប​​ដូច​ផ្កា​ដែល​កំពុង​រីក​ក្លិន​ពិដោរ ឈ្ងុយ​ឈ្ងប់ ធ្វើ​ឱ្យ​កន្លង់​តាម​ចោម​រោម ក្រេប​លម្អង ស្រប​ពេល​ដែល​សម្រស់​របស់​នាង ក៏​កាន់​តែ​ស្រស់​ស្អាត​ទ្វេ​ឡើង​ផង​ដែរ។ ប៉ុន្តែ ឪពុក​សីហា មិន​ទាន់​អនុញ្ញាត ឱ្យ​នាង​ប្រឡូក​ក្នុង​ពិភពស្នេហា​ទេ...។

លី ច័ន្ទសីហា បានហក់ចូលសិល្បៈ ដោយចៃដន្យបំផុត នៅឆ្នាំ២០០៥ បន្ទាប់ពីក្រុមហ៊ុនថត ភាពយន្ត ស្វែងរកកុមារីថតរឿង “មរណ​មាតា” និងក្រោយពីការសាកល្បង​សមត្ថភាពរួចរាល់ នាងបាន ជាប់​ឈ្មោះថត រហូតទទួលបាន​ជោគ​ជ័យ​យ៉ាងសម្បើម នាពេល​នោះ។

ខ្សែភាពយន្តខ្នាតធំ ជាច្រើនរឿង ត្រូវបានតារាវ័យក្មេងរូបនេះ ដើរតួឯក ដូចជារឿង “បញ្ញើក្អែក”, “នរណាកំណត់?” និងរឿង “នាងមច្ឆា”៘ បានជួយរុញច្រានកេរ្តិ៍ឈ្មោះកុមារី លី ច័ន្ទសីហា ឱ្យ ល្បីឈ្មោះក្នុងពិភពខ្សែភាពយន្ត​ខ្មែរ រហូតទស្សនិកជនបានផ្តល់រហស្សនាមឱ្យនាងថា “កំពូលតារាទឹកភ្នែក” ហើយជិត ១ទសវត្សរ៍ ដែលនាងគ្រងតំណែងមួយនេះ ទោះបីមានតារាមួយចំនួន ដូចជា នី មុនីនាថ និង ដាញ់ ម៉ូនីកា តាមប្រជែងយកតំណែងនេះក៏ដោយ។

លី ច័ន្ទសីហា បានដកខ្លួនថយពីការសម្តែងមួយរយៈធំ នៅពេលដែលគីឡូរបស់នាង បានឡើងយ៉ាងគំហុក នៅប៉ុន្មានឆ្នាំចុងក្រោយនេះ ដែលជាឱកាស​ឱ្យតារាថ្មីៗ​មួយចំនួន រះឡើងប្រដេញគ្នា តាមពីក្រោយនាង។ ប៉ុន្តែ សីហា បានទាញអ្នកគាំទ្រមកវិញ តាមរយៈការសម្តែងរឿង “អព្ភូតហេតុស្នេហ៍” ដែលបានចាក់ផ្សាយលើ កញ្ចក់​ទូរទស្សន៍ប៉ុស្តិ៍លេខ៥ និងក្រោយពីទទួលជោគជ័យក្នុងការសម្តែង និងច្រៀង នៅប្រទេសអូស្ត្រាលី។

ជួបជាមួយ “អង្គរធំ” ផ្ទាល់ នៅកន្លែងថត MTV ផលិតកម្មថោន ក្នុងបរិវេណវត្តប្រាសាទ កាលពី ថ្ងៃទី២១ កុម្ភៈ កញ្ញាលី ច័ន្ទសីហា ប្រាប់ថា នាងនឹងប្រឡូកសិល្បៈ ឱ្យ​ពេញទំហឹងឡើងវិញ ក្រោយពីផ្អាក មួយរយៈកន្លងមកនោះ។

សីហា និយាយថា “ខ្ញុំទទួលថតរឿងឡើងវិញ ហើយ បន្ទាប់ពីទម្ងន់របស់ខ្ញុំ បានស្រកដល់ទៅជិត ១០គ.ក្រ ឯណោះ ហើយខ្ញុំនឹងរក្សាទម្ងន់នេះ ឱ្យនៅថេរ (ត្រឹម​៥១​គ.ក្រ) ជានិច្ច។ ឥឡូវខ្ញុំបានថតភាពយន្ត២ បន្តទៀត គឺរឿង “កុំខ្លាចអូនអី” និងរឿង “លងម៉ា- ឆ្ងាញ់” ដែលគ្រោងនឹងដាក់បញ្ចាំងហើយ។ ខ្ញុំសង្ឃឹមថា ខ្សែភាពយន្ត​ថ្មីនេះ និងអាចស្តារកេរ្តិ៍ឈ្មោះខ្ញុំដែល ស្ងប់ស្ងាត់នោះបានមកវិញមិនខាន។ ឥឡូវខ្ញុំមាន កម្មវិធីសិល្បៈជាច្រើន ដែលសឹងរកពេលទំនេរមិនមាន ឡើយ ហើយខ្ញុំសុំ​ទោស​ចំពោះផលិតកម្មមួយចំនួន ដែលខ្ញុំបានបដិសេធ ព្រោះខ្ញុំរវល់ច្រើនពិតមែន”។

ម្ចាស់សម្អាងការវ័យក្មេងរូបនេះ បន្តថា “ពេលនេះ ខ្ញុំត្រៀមសម្ភាសនៅស្ថានទូតអាមេរិក ដើម្បីចេញ សម្តែងនៅអាមេរិក ចំនួន៣ខែ។ ប៉ុន្តែ ខ្ញុំមិនដឹងថា ជាប់ ឬអត់ទេ ព្រោះខ្ញុំបានលើកពេលម្តងរួចមកហើយ នៅពេលខ្ញុំជាប់សម្តែងឯប្រទេសអូស្ត្រាលី ហើយ បើលើកនេះជាប់មែន គឺជាលើកទី២ហើយ សម្រាប់ ការសម្តែងនៅក្រៅ​ប្រទេស​របស់ខ្ញុំ”។

លី ច័ន្ទសីហា បានផ្តាច់ពាក្យពីគូដណ្តឹង កូន-លោកតាជា ចេង កាលពីអំឡុងឆ្នាំ២០០៩ ក្រោយពី គ្រួសារទាំងពីរមានការខ្វែងគំនិតគ្នាបន្តិចបន្តួច ហើយ មកដល់ បច្ចុប្បន្ន​នេះ នាងនៅមិនទាន់មានដំណឹងពាក់ព័ន្ធស្នេហាជាមួយបុរសណាឡើយ។

នៅពេលត្រូវសួរថា តើទឹកដីអូស្ត្រាលី មានកន្លង់ តាមសុំស្នេហ៍នាងទេ? សីហា ប្រាប់ទាំងអៀនប្រៀនថា “មិនអត់ទេបង! មានច្រើនដែរ ប៉ុន្តែ ខ្ញុំមិនទាន់គិតពី រឿងនោះ​ឡើយ អ្វីៗស្រេចលើប៉ាម៉ាក់អ្នកគិតចុះ ព្រោះ ខ្ញុំគ្មានបទពិសោធន៍រឿងនោះឡើយ ហើយបើប៉ាម៉ាក់ គាត់ថាល្អ ខ្ញុំនឹងធ្វើតាមគាត់ តែពេលនេះ ខ្ញុំមិនទាន់ មាន​ស្នេហា​ទេ ព្រោះគាត់មិនចង់ឱ្យមានឡើយ”។

ដោយឡែក លោកលី សុខជុន ឪពុកបង្កើត លី ច័ន្ទសីហា ក៏បានប្រាប់បន្ថែមថា លោកមិនយល់ ទាស់ចំពោះទំនាក់ទំនងស្នេហារវាងប្រុសស្រីទេ ប៉ុន្តែ ត្រូវ​គោរព​ប្រពៃណីខ្មែរ ហើយលោកក៏សូមអរគុណដល់ក្រុមយុវជននានា ដែលស្រលាញ់កូនស្រីលោក ជាគូអនាគត ហើយបានគោរពប្រពៃណីខ្មែរ ដោយបានមកជួប​លោក​ដល់​ផ្ទះ។ ប៉ុន្តែ ធ្វើម៉េចបើ មិនមែនជាគូ ទើបមិនបានជួបគ្នា។ ម៉្យាង សីហា នៅ ក្មេងពេក មិនចង់ឱ្យនាងប្រឡូកក្នុងរឿងស្នេហានេះទេ ព្រោះថា នាងគ្មានបទពិសោធន៍ គឺរង់ចាំឱ្យនាងមានវ័យក្រាស់ជាងនេះបន្តិចទៀត សឹមគិតរឿងគូស្រករ។ សព្វថ្ងៃ នាងរវល់ការងារខ្លាំងណាស់”។

លោកសុខជុន បន្តថា លោកមិនរើសអើងអ្នកមានអ្នកក្រឡើយ សំខាន់ពួកគេទាំងពីរ ចេះយល់ចិត្ត ស្រលាញ់គ្នា ឱ្យតម្លៃគ្នាទៅវិញទៅមកនោះបានហើយ មិនចាំបាច់​ដល់​ឧកញ៉ា ឬអាណិកជននៅក្រៅប្រទេស ឡើយ ឱ្យតែគូ លោកលើកឱ្យភ្លាម។

នៅពេលត្រូវសួរថា តើការបាត់មុខមួយរយៈ របស់សីហា ពីការសម្តែង គឺមកពីនាងមិនទទួលថត ដោយសារមិនបានតំណែងតួឯក ដូចការលេចឮឬ? លោកសុខជុន ប្រាប់ថា នោះពុំមែនជាការពិតឡើយ តាមពិត សីហា អាចលេងបានគ្រប់តួទាំងអស់ ឱ្យតែផលិតកម្មកំណត់ឱ្យ។ តាមពិត លោកធ្លាប់ប្រដៅកូន មិនឱ្យមានជំងឺតួ​ឯក​ឡើយ ព្រោះតារាសម្តែងដែលល្បីៗនៅបរទេស គេមិនប្រកាន់ ក្នុងការដើរតួសម្តែងឡើយ សំខាន់លើសមត្ថភាព ផ្ទាល់ខ្លួនតែប៉ុណ្ណោះ។ សម្រាប់សីហា តួអ្វី ក៏នាងព្រម​សម្តែង​ដែរ តែការផ្អាកនោះ គឺមកពីនាងមានបញ្ហាសុខភាព (ឡើងគីឡូ) ទើបសម្រាក មួយរយៈទៅ ៕

ព័ត៌មានតារាសម្តែងខ្មែរផ្សេងៗ...

AKT Media Videos
ព័ត៌មានទាន់ហេតុការណ៍
  លោក​ញ៉ែម វ៉ាន់នី ​៖ ខ្ញុំ​មិន​បាន​ឱ្យ​កូន​ចៅ​ ទារ​លុយ​ពី​ជន​ជាតិ​វៀត​ណាម​ទេ !​
ថ្ងៃទី​ 31 ខែមករា ឆ្នាំ2015, ម៉ោង 10:25 AM
  សម្តេច​ហ៊ុន ​សែន ​ថា ​សម្តេច​ជា ​ស៊ីម ​នៅ​តែ​ជា​ប្រធាន​គណ​បក្ស​ប្រជា​ជន​កម្ពុជា​
ថ្ងៃទី​ 30 ខែមករា ឆ្នាំ2015, ម៉ោង 05:23 PM
  ក្រុម​តំណាង​រាស្ត្រ ​បក្ស​ប្រជា​ជន​កម្ពុជា ​និង​បក្ស​សង្គ្រោះ​ជាតិ ​ជួប​ពិភាក្សា​គ្នា​ ជា​លើក​ដំបូង​ ថ្ងៃនេះ
ថ្ងៃទី​ 29 ខែមករា ឆ្នាំ2015, ម៉ោង 10:29 AM
  លោក ​សម រង្ស៊ី ​ប្រកាស​​​បន្ទន់ឥរិយាបថ​នយោបាយ​ និង​ពង្រឹង​​វប្បធម៌​​សន្ទនា​​ ដើម្បី​ដោះ​ស្រាយ​បញ្ហា​​ពល​រដ្ឋ​
ថ្ងៃទី​ 23 ខែមករា ឆ្នាំ2015, ម៉ោង 09:59 AM
  លោក ជា មុនី ដឹកនាំសហជីព សេរីកម្មករ គោរពវិញ្ញាណក្ខន្ធ ខួប១១ឆ្នាំ នៃ​​ការ​​បាញ់​​សម្លាប់ ​​ជា វិជ្ជា​​
ថ្ងៃទី​ 22 ខែមករា ឆ្នាំ2015, ម៉ោង 03:13 PM
  សេចក្តី​ប្រកាស​ព័ត៌​មាន ​ស្តីពី​លទ្ធ​ផល​សម័យ​ប្រជុំ​ឧត្តមក្រុមប្រឹក្សា នៃអង្គចៅក្រម ថ្ងៃទី២១ ខែមករា ឆ្នាំ២០១៥
ថ្ងៃទី​ 21 ខែមករា ឆ្នាំ2015, ម៉ោង 04:53 PM
  កម្លាំង​ចម្រុះ បន្ដ​ឆែក​ឆេរ​បុរី​៩៩៩ ​ចាក់​អង្រែ​ក្រោម ​រក​ឃើញ​កាំ​ភ្លើង​ឡុក១ ​និង​អាកា ៣​ដើ​ម
ថ្ងៃទី​ 21 ខែមករា ឆ្នាំ2015, ម៉ោង 04:01 PM
  តំណាង​​រាស្រ្ត​ខេត្ដ​​​តាកែវ ​និង​​អតីត​​ជា​​​រដ្ឋ​​មន្រ្ដី​​ក្រសួង​​ប្រៃសណីយ៍​​លោក ​សូ ​​ឃុន ​​ទទួល​​​មរណ​​ភាព​​​
ថ្ងៃទី​ 21 ខែមករា ឆ្នាំ2015, ម៉ោង 04:55 PM
  តុលា​ការ​​សម្រេច​​បើក​ឃ្លុម​បេ​ផ្ទះ និង​ប្រគល់​ក្រុម​ហ៊ុន​​សាច់​​ប៉ា​តេ ​៩៩៩​ ឲ្យ​​ប្អូន​ថ្លៃ​​ឧកញ៉ា ​ថោង ​សារ៉ាត់​ គ្រប់​គ្រង​​ជំនួស​​
ថ្ងៃទី​ 21 ខែមករា ឆ្នាំ2015, ម៉ោង 02:00 PM
  រដ្ឋ​សភា​ប្រកាស​ទទួល​ស្គាល់​លោក ​សម​ រង្ស៊ី ​ជា​ប្រធាន​ក្រុម​មតិ​ភាគ​តិច​
ថ្ងៃទី​ 21 ខែមករា ឆ្នាំ2015, ម៉ោង 10:32 AM
  សម្តេច​ក្រុម​ព្រះ ផ្ញើ​លិខិត​ថ្លែង​អំណរ​គុណ​ ជូន​សម្ដេច​ ហ៊ុន ​សែន​
ថ្ងៃទី​ 21 ខែមករា ឆ្នាំ2015, ម៉ោង 10:29 AM
  លោក ​ស៊ូបេឌី ​ជំរុញ​ឲ្យ​បក្ស​ទាំង ​២ ​ពង្រឹង​វប្ប​ធម៌​សន្ទាន​
ថ្ងៃទី​ 21 ខែមករា ឆ្នាំ2015, ម៉ោង 10:09 AM
  សម្ដេច​ ហ៊ុន ​សែន​ ថ្វាយ​លិខិត​អប​អរ​សាទរ ​សម្តេច​ក្រុម​ព្រះ ជា​ព្រះ​ប្រធាន​គណ​បក្ស​ហ៊្វុន​ស៊ិន​ប៉ិច​
ថ្ងៃទី​ 20 ខែមករា ឆ្នាំ2015, ម៉ោង 04:35 PM
  អាជ្ញាធរ​អប្សរា​ ប្រកាស​ព័ត៌​មាន​ស្តី​ពី ស្ថិតិ​ភ្ញៀវ​ទេសចរ​អន្តរ​ជាតិ​ ​ចូល​ទស្សនា​អង្គរ ​និង​ចំណូល​ប្រចាំ​ឆ្នាំ​២០១៤​
ថ្ងៃទី​ 20 ខែមករា ឆ្នាំ2015, ម៉ោង 02:01 PM
  លោក ​ស៊ីន ​ច័ន្ទ​ឆាយា ​កូន​ប្រុស​លោក​ ស៊ីន ​ស៊ីសាមុត​ ដួល​​បោក​​ក្បាល​​ដាច់​​សរសៃ​​ឈាម​ស្លាប់​
ថ្ងៃទី​ 20 ខែមករា ឆ្នាំ2015, ម៉ោង 01:47 PM
  តុលា​ការ​សាលា​​ឧទ្ធរណ៍​​​សម្រេច​​បន្ត​​ឃុំ​​ខ្លួន​ ​ឪពុក​-ម្តាយ​ ​ឧក​ញ៉ា​ថោង​ ​សារ៉ាត់​
ថ្ងៃទី​ 20 ខែមករា ឆ្នាំ2015, ម៉ោង 11:19 AM
  លោក​​ ស៊ូប៊ែឌី នឹង​​ជួប​ជា​មួយ​​ថ្នាក់​​ដឹក​នាំ​បក្ស​​សង្រ្គោះ​​ជាតិ ​នៅ​ព្រឹក​ស្អែក​
ថ្ងៃទី​ 19 ខែមករា ឆ្នាំ2015, ម៉ោង 06:40 PM
  នយោបាយ​ឡើង​កម្ដៅ ៖ សម្ដេច ​ហ៊ុន ​សែន ​ព្រមាន​ដក​អភ័យ​ឯក​សិទ្ធ​តំណាង​រាស្រ្ដ​បក្ស​ប្រឆាំង​ ៧ ​រូប​​
ថ្ងៃទី​ 19 ខែមករា ឆ្នាំ2015, ម៉ោង 05:02 PM
  ក្រុម​ហ៊ុន ​អូអឹមស៊ី ​ដាក់​បង្ហាញ​ម៉ូតូ ​Address​ UK ​ស៊េរី​ថ្មី​
ថ្ងៃទី​ 19 ខែមករា ឆ្នាំ2015, ម៉ោង 04:29 PM
  សម្ដេច​ក្រុម​ព្រះ ត្រូវ​បាន​អង្គ​សមាជ​ជ្រើស​តាំង​ជា​ព្រះ​ប្រធាន ​គណបក្ស​ហ្វ៊ុន​ស៊ិន​ប៉ិច ​ហើយ ​!​
ថ្ងៃទី​ 19 ខែមករា ឆ្នាំ2015, ម៉ោង 09:52 AM
  កូន​ប្រុស​ឧកញ៉ា ​ឃុន ​សៀ ​បើក​រថយន្ត​តម្លៃ​ជិត ​៤០​ម៉ឺន​ដុល្លារ ​បុក​រះ​រថយន្ត ​៥​គ្រឿង ​នៅ​វត្ដ​ភ្នំ​
ថ្ងៃទី​ 17 ខែមករា ឆ្នាំ2015, ម៉ោង 01:49 PM
  រថយន្ត​ដឹក​ស៊ីម៉ង់ត៍ ដាច់​ហ្រ្វាំង​គេច​រោង​ការ បើក​កិន​លូ​ក្រឡាប់​
ថ្ងៃទី​ 14 ខែមករា ឆ្នាំ2015, ម៉ោង 05:11 PM
  សន្តិ​សុខ​ឯក​ជន​ម្នាក់ ចង.ក​សម្លាប់​ខ្លួន បន្ទាប់​ពី​ឈ្លោះ​គ្នា​ជា​មួយ​ប្រពន្ធ​
ថ្ងៃទី​ 14 ខែមករា ឆ្នាំ2015, ម៉ោង 04:30 PM
  បើក​ម៉ូតូ​ដួល​បោក​នឹង​ថ្នល់ ​ស្លាប់​ម្នាក់​ របួស​ធ្ងន់​ម្នាក់
ថ្ងៃទី​ 14 ខែមករា ឆ្នាំ2015, ម៉ោង 04:22 PM
  ពិបាក​ចិត្ត​រឿង​រក​ប្រាក់​ចិញ្ចឹម​កូន ហើយ​អត់​មាន​លុយ​បង់​ថ្លៃ​ផ្ទះ ចាក់​សម្លាប់​ខ្លួន​ឯង​
ថ្ងៃទី​ 14 ខែមករា ឆ្នាំ2015, ម៉ោង 04:15 PM
  រថយន្ត​ហ៊ីយ៉ាន់ដាយ បើក​បុក​បុរស​ម្នាក់ ស្លាប់​នៅ​ក្រុង​តាខ្មៅ​
ថ្ងៃទី​ 14 ខែមករា ឆ្នាំ2015, ម៉ោង 04:08 PM
  រាជ​​រដ្ឋា​ភិបាល​ ​ចេញ​​អនុ​​​ក្រឹត្យ​​​ស្តី​​ពី​​ការ​​​ចេញ​​​ផ្សាយ​ធន​​​ប័ត្រ​ ​​ប្រភេទ​​​៥០០​​​រៀល ​គំរូ​​​ថ្មី​​​
ថ្ងៃទី​ 14 ខែមករា ឆ្នាំ2015, ម៉ោង 03:58 PM
  មក​ពី​ជប់​លៀង រថយន្ត​ដឹក​សំរាម​ក្រុម​ហ៊ុន​ស៊ិន​ទ្រី បើក​បុក​​កិន​​ស្លាប់​
ថ្ងៃទី​ 14 ខែមករា ឆ្នាំ2015, ម៉ោង 03:31 PM
  ឆក់​កាបូប​ស្រ្តី​ជា​បុគ្គលិក​ទូរ​ទស្សន៍​ BTV ​ឃាត់​ខ្លួន​បាន ២​នាក់​
ថ្ងៃទី​ 14 ខែមករា ឆ្នាំ2015, ម៉ោង 03:17 PM
  រាជ​រដ្ឋាភិបាល ​ចេញ​អនុ​​ក្រឹត្យ​​ស្តី​ពី​ការ​​ចេញ​​ផ្សាយ​​ធន​​ប័ត្រ​ ​ប្រភេទ​​១០០​​រៀល គំរូ​​ថ្មី​​
ថ្ងៃទី​ 14 ខែមករា ឆ្នាំ2015, ម៉ោង 02:04 PM

អ្នកចូលទស្សនា

សរុប: HTML Hit Counters
រក្សាសិទ្ឋិគ្រប់យ៉ាង ដោយអង្គរធំមេឌាគ្រុប ២០១១
©2011 Angkor Thom Media Group. All Rights Reserved
ការិយាល័យនិពន្ធ (Editorial Office) : Tel : 012 629 726
Developed by Than Bunthoeurn